الشات على البث

الإعداد

1. 01البوت ← الشات على البث، وشغل «صندوق الشات».
2. 02عدل عدد الرسايل وحجم الخط ولون النص وقوة الخلفية، و«الشارات» إذا تبيها.
3. 03حط مكانه من المعاينة، وانسخ «رابط OBS» وحطه كمصدر متصفح بمقاس 1920 في 1080.

المنصة والشارات

قبل كل اسم علامة صغيرة للمنصة اللي انكتبت فيها الرسالة، كيك أو تويتش، وبعدها شاراته: صاحب القناة، مشرف، VIP، مشترك. كل وحدة لها مفتاح: «المنصة» و«الشارات».

وش يطلع

«خفي الأوامر» يشيل الرسايل اللي تبدأ بـ !، و«ردود البوت» يخلي رسايل ملاذ بوت تطلع، و«البوتات الثانية» رسايل الحسابات اللي في قائمة «يتجاهل» مثل Nightbot و BotRix، و«المنصات» تختار شات أي منصة يطلع، و«وقت الرسالة» يحط الساعة جنبها. وإيموجيات كيك تطلع بصورتها.

الحركة

«دخول الرسالة»: انزلاق أو تلاشي أو تكبير أو بدون. و«الجديد» تحت أو فوق. و«تختفي بعد» تخلي كل رسالة تختفي بعد ثواني، وعلى «أبد» تبقى لين تدفها الرسايل الجديدة.

Ghost Chat وغيره

الرابط يشتغل كمان في البرامج اللي تعرض صفحة فوق اللعبة، والخلفية تبقى شفافة.

لوحة الشات في Streamlabs أو OBS

تحت رابط OBS فيه «رابط اللوحة». ضيفه كلوحة في Streamlabs أو كـ Custom Browser Dock في OBS، وتقرا فيه شات كيك وتويتش مع بعض: آخر ٦٠ رسالة، بالوقت والمنصة والشارات، والأوامر تطلع فيه. «صندوق الشات» لازم يكون شغال، ولو ما تبيه على البث لا تضيف رابطه في OBS.

كل اللوحات في رابط واحد

Streamlabs يقبل عنصر Website واحد بس في كل تخطيط. فمن البوت ← معلومات البث ← «كل اللوحات في رابط واحد» انسخ الرابط وحطه في عنصر Website (Layouts ← Website): فيه الشات، والأحداث، وطلبات الأغاني (تخطي، ووقف، وموافقة أو رفض)، والأوامر (بحث، وتشغيل وطفي)، ومعلومات البث. جنب بعض إذا المكان يكفي، وتبويبات إذا ضيق. ولو تبي بعضها بس، أضف آخر الرابط مثلا ?show=chat,requests.